Бүгүн, 6-ноябрда УКМК төрагасы Камчыбек Ташиевдин катышуусунда Балыкчы шаарынын коммуналдык кызматтарына жаңы техникаларды тапшыруу аземи болуп өттү. Бул тууралуу аталган комитеттин басма сөз кызматынан билдиришти.
Маалыматка ылайык, жалпы баасы 100 миллион сом болгон 36 даана ар түрдүү коммуналдык техникалар: жол тазалоочу, таштанды ташуучу, суу чачуучу жана атайын тейлөө унаалары Балыкчы шаарынын муниципалдык чарбасына берилди.
Ошондой эле УКМК төрагасы Балыкчы шаарынын инфраструктурасын жакшыртуу масатында президенттин турукташтыруу фондунан жакында дагы 500 млн сом бөлүнө тургандыгын кабарлады.
Техникаларды тапшыруу аземинде генерал-полковник чогулган элдин көйгөйлөрүн чечүүнү жеринде тийиштүү кызматтагыларга табыштады.
