Бишкек шаарынын ЭЭА аймагында «Нелегал” операциясынын алкагында 12 чет өлкөлүк жаранды мыйзамсыз ишке орноштуруу фактысы аныкталды. Бул тууралуу УКМКнын басма сөз кызматы билдирди.
Маалыматка ылайык, аталган чет элдиктер Кыргызстандын аймагында туристтик визанын негизинде жүргөндүгү жана мыйзамсыз эмгек ишмердигин жүргүзгөндүгү такталды.
Ички иштер органдарынын кызматкерлери менен бирдикте чет өлкөлүк жарандарга 431-берененин 1-бөлүмү үчүн 66 000 сом айып пул салынган.
Чет өлкөлүк жумушчу күчүн мыйзамсыз тарткан юридикалык жактарга КРнын Укук бузуулар жөнүндө кодексинин 93-беренеси (КРда чет өлкөлүк жумушчу күчүн тартуу жана пайдалануу эрежелерин бузуу) 65 000 сом өлчөмүндө айып салынган.
