Бишкекте атасынын унаасы менен кайгуулчуларга баш ийбей качкан өспүрүм кармалды. Бул тууралуу МККБнын басма сөз кызматынан билдиришти.
Маалыматка ылайык, 2025-жылы 29-ноябрда болжол менен саат 02:30 чамасында Бишкектеги Корсаков көчөсүндө Mercedes-Benz үлгүсүндөгү унаанынын айдоочусу милициянын кайгуул кызматкерлерине ийбей, качууга аракет кылган. Көп узабай, автоунаа токтотулган, бирок токтотуу учурунда айдоочу жол кыймылынын эрежелерин одоно бузуп, МККБ кызматкерлеринин өмүрүнө коркунуч жаратып, аларды сүзүп ала жаздаган.
Текшерүү учурунда автоунааны айдап жүргөн адам жашы жете элек экени, анын айдоочулук күбөлүгү жок болгону жана транспорт каражатын ага атасы бергендиги такталды.
Жаш өспүрүмгө карата тиешелүү укук бузуулар жөнүндө протокол түзүлдү.
