Кыргызстанга рубль менен которулган акчадан 1,5%га чейин комиссия алынмай болду. Кыргызстанга акча которуу боюнча эң ири оператор рубль менен келген каражаттан 1,5 пайызга чейин комиссия киргизилгенин жарыялады.
Astrasend компаниясынан комиссия 1-декабрдан киргизилгенин билдиришти. Комиссияны бул жактан каражатты чыгарып берген өнөктөш уюмдар алышы мүмкүн.
Улуттук банктын маалыматына караганда, биринчи жарым жылдыкта 78,8 миллиард сом аталган компания аркылуу өлкөгө жөнөтүлгөн. Бул которулган жалпы акчанын жарымынан көбү.
