Израилдин транспорт министри айдап баратып тексттик билдирүү жөнөткөн айдоочуларга 3000 долларга чейин айып пул салуу пландалып жатканын жарыялады. Бул тууралуу Kazinform агенттиги билдирет.
Израилдин транспорт министри Мири Регев маалымдагандай, эгер полиция айдоочуну SMS жазып жаткан жеринен кармаса, дароо эле сотко барбастан айып салынат. Кайталанган учурда унаасы конфискацияланат, буга ар кандай жол кырсыктары себеп болууда.
Жарыяланган демилгеге ылайык, айып пулдардын көбөйүшү телефон колдонууга гана эмес, айрыкча кызыл жарыкта өтүү жана мас абалда башкарууга да тиешелүү болот. Бул сунуш Кнессеттин экономикалык комиссиясына жөнөтүлөт- деп жазылат маалыматта.
