Россия Федерациясынын аскер кызматчылары Жапаровдун энчилүү сааты менен сыйланды. Бул тууралуу өкмөттүн басма сөз кызматы билдирди.
Маалыматка ылайык, 1-апрелден 3-апрелге чейин «Коопсуздук-2021» аталышындагы биргелешкен командалык-штабдык жана мобилизациялык машыгуулар болуп өткөн.
«Машыгууга 2 миңден ашык адам тартылып, болжол менен 100 автомобилдик, бронетанкалык бирдик жана атайын техникалар, 20 артиллериялык система колдонулуп, 10 учак катышты. Ошондой эле Россия Федерациясынын Коргоо министрлигинин 20022-аскердик бөлүгүнүн аскер кызматчылары да тартылган. Машыгуунун жыйынтыгында Россия Федерациясынын 11 аскер кызматчысы Кыргыз Республикасынын Президентинин энчилүү сааты менен сыйланышты», — деп жазылат маалыматта.
Белгилей кетсек, сыйлык тапшыруу аземи Кант авиабазасында Кыргыз Республикасынын коргоо министринин орун басары жана Кыргыз Республикасынын Коопсуздук кеңешинин катчылыгынын кызматкерлеринин катышуусунда өттү.
