Кыска мөөнөткө баа төмөндөгөндөн кийин Улуттук банк саткан алтын куймалардын наркы кайра өсүп, рекорддук көрсөткүчкө жетти. Бул тууралуу Улуттук банк билдирди.
Маалым болгондой, бир граммдык куйма дээрлик 14 миң сомго чыккан. Жыл башынан бери баа беш миң сомдон ашыгыраак кымбаттады.
24-декабрга карата баа төмөнкүдөй:
100 граммдык куйма — 1 млн 292 миң 359 сом;
1 унция (31,1 г) — 397 миң 528 сом;
10 граммдык — 127 миң сом;
5 граммдык — 64 миң 625 сом;
2 граммдык — 26 миң 574 сом;
1 граммдык — 13 миң 942 сом.
Салыштыруу үчүн айтсак, жыл башынан бери 100 граммдык куйма 524,7 миң сомго, башкача айтканда, 50 пайыздан ашык кымбаттаган.
Баанын өсүшүнө негизги себеп — дүйнөлүк рыноктогу алтындын рекорддук наркы. Учурда бир унциясынын баасы 4,3 миң долларды түзүп, жыл башынан бери 1,6 миң долларга өскөн.
