2026-жылы Кыргызстандын эгемендүүлүгүнүн 35 жылдык мааракеси Талас облусунда белгиленет. Бул тууралуу президент Садыр Жапаров бүгүн борбордогу Токтогул Сатылганов атындагы Кыргыз улуттук филармониясында өтүп жаткан IV Элдик курултайда билдирди.
Мамлекет башчысынын айтымында, бир аймактын ийгилиги — бүтүндөй мамлекеттин ийгилиги.
“Ар бир аймакка бирдей мамиле жасоо бул биздин принцип. Анын ачык мисалы катары Эгемендүүлүк күнүн жыл сайын ар башка облуста өткөрүү салтын айтууга болот. Бул өлкөнүн ар бир аймагы бирдей баалуу экенинин белгиси. Биздин максат — акыйкат, ачык, биримдүү жана күчтүү мамлекетти куруу. Ар бир аймак жана шаар тең укуктуу өнүгүүгө тийиш», — деп белгиледи Жапаров.
