Элдин көйгөйүн чечебиз деп, Жогорку Кеңешке шайланып келген депутаттар Элдик Курултайга катышпай, фотосессия кылып алып кетип калышты. Бул тууралуу Назгүл Келгенбаева өзүнүн баракчасына жазды.
«Эгер Эл чындап маанилүү болсо, анда элдин үнү угулган, элдин маселеси айтылган аянттан эмне үчүн качышат? Элдин атын жамынып бийликке жетип алган соң, эл менен бетме-бет сүйлөшө турган жерге келгенде жок болуп кетүү, бул эки жүздүүлүк эмеспи? Элдин көйгөйү жалгыз Президент Садыр Жапаровго эле керекпи?»,- деп жазган ал.
