Кыргызстан менен Таиланд дипломатиялык кызматкерлер үчүн визасыз режим киргизет. Бул тууралуу Тышкы иштер министрлигинин басма сөз кызматы билдирди.
Маалыматка ылайык, 2026-жылдын 2-январында Министрлер кабинети менен Таиланд өкмөтүнүн ортосунда түзүлгөн дипломатиялык жана кызматтык паспорт ээлери үчүн өз ара визасыз режим жөнүндө макулдашуу күчүнө кирет.Жаңы эрежелер келе жаткан жылдын алгачкы күндөрүнөн тарта колдонулуп баштайт.
Макулдашууга ылайык, дипломатиялык жана кызматтык (расмий) паспорт ээлери кирүү, чыгуу жана убактылуу болуу үчүн визалык талаптардан толук бошотулат. Шарттарга ылайык, алар өнөктөш өлкөнүн аймагында 180 күндүн ичинде 90 күнгө чейин визасыз жүрө алышат.
