Бүгүн, 21-апрелге караган түнү Бишкек—Ош жолундагы Төө-Ашуу менен Ала-Бел ашууларында кар жаады. Бул тууралуу Транспорт, архитектура, курулуш жана коммуникация министрлигинин басма сөз кызматы билдирди.
Маалыматка ылайык, кардын калыңдыгы 10 — 15 сантиметрге чейин жетет.
«№9 жана №23 жол тейлөө башкармалыктары карды тазалап, жолго инерттүү материалдарды сээп жатышат. Транспорт каражаттарынын Төө-Ашуу жана Ала-Бел аркылуу коопсуз өтүшү үчүн керектүү техникалар тартылды», — деп берилет маалыматта.
