Президент Садыр Жапаров Жогорку Кеңеш тарабынан сунушталган мыйзам долбоор тууралуу билдирүү жасады.
Анын айтымында, Ысык-Көлгө казино ачуу кыргызстандыктар үчүн эмес, жана ага чет элден келген жарандар гана кире алышат.
«Кумарканалар Кыргызстан жарандары үчүн ачылбайт, чет элдиктер жана туристтер үчүн гана ачылат. Мыйзамда кыргызстандыктардын кумарканага кирүүсүнө жана кумар оюндарын ойноосуна тыюу салынары жазылып турат. Депутаттар туура эле колдоп жатышат. Туристтердин акчасы Кыргызстанда калса жаманбы? Мындай тажрыйба көптөгөн өлкөлөрдө, анын ичинде коңшу өлкөлөрдө кеңири тараган. Айрым алысты көрө албаган популист депутаттар бул мыйзам долбоорун колдогон депутаттарга каршы „кара пиар“ жасап жатышат», — деп айтылат Мамлекет башчынын билдирүүсүндө.
