Ташиевдин коопсуздугу президенттин тапшырмасы менен мурдагыдай эле маморгандар тарабынан камсыздалат . Бул тууралуу бүгүн, 11-февралда Мамлекеттик күзөт кызматынын төрагасы Сыргак Бердикожоев билдирди.
“Социалдык тармактарда Камчыбек Ташиевдин коопсуздугу боюнча жарандар билдирип жаткан тынчсыздануулар тиешелүү мамлекеттик органдар тарабынан эске алынууда. Президент Садыр Жапаров тиешелүү тапшырмаларды берди.
Камчыбек Ташиев мурда кайтарууга алынган адам болгон жана анын жеке коопсуздугун камсыз кылуу чаралары мыйзамда белгиленген тартипте мындан ары да улантылат”, — дейт ал.
