Кыргызстандын жаа атуу спорту боюнча улуттук курама командасынын мүчөсү Асел Шарбекова Open Masters Games эл аралык мелдешинде күмүш жана коло медаль жеңип алды.
Мелдеш Бириккен Араб Эмираттарынын Абу-Даби шаарында өтүүдө. Жаачы 30 жаштан жогорку категорияда күмүш медаль тагынды. Ошондой эле 30+ жана 40+ жаш категориялары боюнча коло медалга ээ болду.
Белгилей кетсек, 8-23-февраль күндөрү Абу-Даби шаарында өтүп жаткан Open Masters Games эл аралык мелдешине Кыргызстандын атынан эл аралык даражадагы спорт чебери Асел Шарбекова башкы машыктыруучу Кылычбек Нурманбетовдун жетекчилиги алдында катышты.
