Санкт-Петербургда 7-кабаттан кулап кеткен 7 жаштагы баланы куткарып калган өзбекстандык мигрантка Тигран Кеосаян атындагы бир миллион рублдик сыйлык тапшырылды. Бул тууралуу орус маалымат каражаттары жазып чыгышты.
Маалыматка ылайык, 36 жаштагы Хайрулло Ибадуллаев Санкт-Петербургда короо шыпырып иштейт. Жабырлануучу ачык турган терезенин жанында ойноп жүргөндө жыгылып, карнизди кармап калган. Бала акыры кулап түшкөндө аны мигрант киши куткарып калган.
Жыйынтыгында бала дагы куткарып калган киши дагы жаракат алышкан. Учурда абалдары канааттандыраарлык экени айтылат.
