“Бийликтин бир да бутагы саясий оюндар же жеке кызыкчылыгын таңуулоо үчүн түзүлгөн эмес!”, — дейт Садыр Жапаров бүгүн, 27-февралда өткөн Руспубликалык кеңешмеде.
Ошондой эле ал бийликтин саясий интригаларга эмес, ката кетирүүгө да акысы жок экенин баса белгилеп, ар бир жетекчи, ар бир кызматкер өзүнө жүктөлгөн милдети менен гана алек болушу керектигин эскертти.
“Мамлекеттик кызматтарга жумушка алууда өкүл балам, жээним, таякем, кудам, аяш үкөм же жердешим деген мыйзамга жат, одоно катачылыктар болбошу керек! Ушундай адилетсиз учурлар болсо, мыкты жетекчи экениңерге карабай жазаңарды аласыңар”, — деди президент.
