Эл аралык резервдер өлкө тарыхында биринчи жолу 10 млрд доллардан ашты. Бул тууралуу президент Садыр Жапаров бүгүн «Ынтымак Ордодо» өткөн республикалык кеңешмеде айтты.
Өлкө башчысы белгилегендей, соңку жылдары Кыргызстандын финансылык туруктуулугу принципиалдуу түрдө жаңы деңгээлге чыкты.
«Эл аралык резервдер өлкө тарыхында биринчи жолу 10 млрд доллардан ашты. Бул – өлкөбүздүн макроэкономикалык туруктуулугунун, улуттук валютабыздын бекемдигинин стратегиялык запасы жана эртеңки күнгө болгон ишеними.
2025-жылы алдыңкы эл аралык рейтинг агенттиктери Кыргызстан суверендүүлүгүнүн кредиттик рейтингин «Б+» деңгээлине чейин жогорулагандыгын белгилешти. Бул өлкөбүздүн инвестициялык жагымдуулугун арттырууда маанилүү кадам болду», — деди Садыр Жапаров.
Белгилей кетсек, бүгүн «Ынтымак ордодо» президент Садыр Жапаровдун катышуусунда 2025-жылдын жыйынтыгын чыгарган республикалык кеңешме өттү.
