Кыргыз улуттук «Манас» театры тарабынан жаш манасчылардын республикалык кароо-сынагы өттү. Бул тууралуу Маданият министрлигинен билдиришти.
Сынак президенттин «Улуттук дем – дүйнөлүк бийиктик» уңгужолун ишке ашыруу максатында өткөрүлдү.
Сынакка өлкөнүн бардык облустарынан тандалып келген мыкты жаш манасчылар катышып, улуу «Манас» эпосун айтуудагы чеберчиликтерин көрсөтүштү.
Кароо-сынак эки багытта — кыргыз жана чет тилдеринде өткөрүлдү.
«Манас» айтуу (кыргыз тилинде):
Баш байге — Бекмырза Шарипов;
1-орун — Жасмина Турусбекова;
2-орун — Ыйман Досалиев, Азиза Исабаева;
3-орун — Азамат Токтомамбетов, Оомат Абдурасулов.
«Манас» айтуу (чет тилинде):
Баш байге — Айбийке Алтынбекова;
1-орун — Мохигүл Хайдарова;
2-орун — Таттыбүбү Бакытбекова, Эркайым Эркинбекова;
3-орун — Айгерим Жолдошбекова, Аделина Насипова.
Сынак жаш манасчылардын өнөрүн баалоо менен бирге, улуттук маданий мурастын баалуулугун арттырууга жана аны муундан-муунга өткөрүүгө өбөлгө түздү.
