Ички иштер министрлигинин Ички иликтөө кызматы тарабынан 2026-жылдын 24-майында Ош шаарында орун алган, анын кесепетинен жаран каза болгон окуя боюнча кызматтык иликтөө жүргүзүлүүдө.
Азыркы учурда Ички иликтөө кызматы тарабынан окуянын бардык жагдайларын, анын ичинде окуя болгон жерде болгон милиция кызматкерлеринин аракеттерин, алардын өз убагында чара көрүлүшүн, көрүлгөн чаралардын толуктугун ар тараптуу жана объективдүү текшерүү жүргүзүлүүдө.
Кыргыз Республикасынын Ички иштер министрлиги кызматтык тартипти бузуу, шалаакылык же кызматтык милдеттерди талаптагыдай аткарбоо боюнча мүмкүн болгон бир дагы факты тиешелүү укуктук баасыз калбай турганын баса белгилейт. Эгер мыйзам бузуулар аныкталса, күнөөлүү адамдар Кыргыз Республикасынын мыйзамдарына ылайык катуу жоопкерчиликке тартылат.
