Базар-Коргон районуна караштуу Жаңы-Абад айылында социалдык шаарча пайдаланууга берилди. Бул тууралуу президенттин облустагы өкүлчүлүгүнөн билдиришти.
Социалдык шаарчанын курамына 120 орундуу мектеп, фельдшердик-акушердик пункт, тигүү цехи жана муктаж үй-бүлөлөр үчүн курулган 10 турак жай кирет.
Долбоор «Ассанабил» коомдук кайрымдуулук фонду тарабынан ишке ашырылып, курулушка жергиликтүү бюджеттен жана райондук, облустук өнүктүрүү фонддорунан да каражат бөлүнгөн.



