Бүгүн Жогорку Кеңештин жыйынында депутаттар «Кыргызстандын президентин жана Жогорку Кеңешинин депутаттарын шайлоо жөнүндө» конституциялык мыйзамына өзгөртүүлөрдү киргизүү тууралуу» мыйзам долбоорун II жана III окууда кабыл алды.
Жаңы өзгөртүүлөргө ылайык, мурда президенттик шайлоо 2027-жылдын январь айынын акыркы жекшембисинде өтүшү керек болсо, азыркы киргизилген сунуш менен шайлоону январдын акыркы шаршембисинде өткөрүү чечими колдоо тапты.
“Бул кезектеги президенттик шайлоо 2027-жылдын 27-январында (шаршемби күнү) өтөт дегенди билдирет.
Биздин негизги ниетибиз – элдин шайлоого келүүсүн шарттоо.” деди ЖКтөрагасы Марлен Маматалиев.
Эми бекитилген процедурага ылайык, кабыл алынган мыйзам долбоору өлкө башчысы тарабынан кол коюлгандан кийин өз күчүнө кирет.
