Кыргызстанда лизинг компанияларынын ишмердүүлүгүн жөнгө салган жаңы эрежелер киргизилип, алардын ишинин ачык-айкындуулугун жана кардарлардын укуктарын коргоону күчөтүүгө багытталган талаптар күчүнө кирди. Бул тууралуу Мамлекеттик каржылык көзөмөл кызматы билдирди.
Министрлер кабинетинин төрагасы Адылбек Касымалиев тиешелүү токтомго кол койду.
Маалыматка ылайык, документ лизингдик ишмердүүлүктүн укуктук жана уюштуруучулук негиздерин, рыноктун катышуучуларынын укуктары менен милдеттерин, ошондой эле өлкөнүн лизинг рыногун жөнгө салууга багытталган талаптарды аныктайт.
Мамлекеттик каржылык көзөмөл кызматы белгилегендей, лизинг компаниялары жаңы жобону жетекчиликке алып, өздөрүнүн ички ишмердүүлүгүн, документтерин жана жол-жоболорун анын талаптарына ылайык келтирүү боюнча чараларды көрүүгө милдеттүү.
Документ күчүнө киргенден кийин анын бардык нормалары Кыргызстандын аймагындагы бардык лизинг компаниялары үчүн милдеттүү болуп саналат.
