Республикалык протездик-ортопедиялык буюмдар мекемесинде иштин ачык-айкындуулугун камсыздоо максатында 27 видеокөзөмөл камерасы орнотулду.
Эмгек, социалдык камсыздоо жана миграция министрлигинин маалыматына ылайык, система коррупциянын алдын алуу жана Санарип кодексинин талаптарын аткаруу алкагында ишке киргизилди. Видеокөзөмөл өндүрүш цехтерин, кампаларды, административдик бөлүктү жана мекеменин аймагын толук камтыйт.
Министрликтен билдиришкендей, жаңы система протездерди даярдоо процессинин ачыктыгын камсыздап, материалдардын кыймылын көзөмөлдөөгө, бейтаптардын укуктарын коргоого, талаштуу жагдайларды калыс кароого жана эмгек тартибин чыңдоого жардам берет.
Мекеменин маалыматына караганда, видеокөзөмөл кызмат көрсөтүүнүн сапатын жогорулатып, бейтаптардын кызыкчылыктарын коргоого өбөлгө түзөт.
