Кадамжай районунда жапайы каманды мыйзамсыз аткан жаран жоопкерчиликке тартылды. Бул тууралуу Жаратылыш ресурстары, экология жана техникалык көзөмөл министрлиги билдирди.
Маалыматка ылайык, атайын рейддин жүрүшүндө С.К. аттуу жаран тиешелүү уруксаты жок жапайы каманга аңчылык кылганы аныкталган.
Бул факты боюнча Укук бузуулар жөнүндө кодекске ылайык, мыйзам бузган жаранга 12 миң 500 сом өлчөмүндө административдик айып пул салынып, жаратылышка келтирилген зыян үчүн 50 миң сом өлчөмүндө доо эсептелди.
