Жол кыймылынын коопсуздугун камсыздоо башкы башкармалыгы 29-июндан 4-июлга чейин өлкө боюнча 24 миң 985 жол эрежесин бузуу фактысын аныктады.
Мекеменин маалыматына ылайык, алардын ичинен 2 миң 539 учур транспорт каражатын тиешелүү документтерсиз башкарууга, 362си мас абалында унаа башкарууга, 2 миң 135и ылдамдыкты ашырууга, 193ү айнектерди мыйзамсыз караңгылатууга, 1 миң 238и жөө жүргүнчүлөрдүн жол эрежесин бузушуна жана 52си автоээнбаштыкка байланыштуу болгон.
Ошондой эле транспорт каражаттарын эксплуатациялоо эрежелерин бузган 4 миң 502 жана башка жол эрежелерин бузган 9 миң 267 факт катталган.
Жол эрежелерин бузгандыгы үчүн 4 миң 691 автоунаа айып короо жайына токтотулду.
ЖКККББ айдоочуларды жана жөө жүргүнчүлөрдү жол кыймылынын эрежелерин так сактоого жана жолдо өз ара сылык мамиле кылууга чакырды.
