Португалиянын чабуулчусу Криштиану Роналду 2026-жылдагы футбол боюнча Дүйнө чемпионаты анын карьерасындагы акыркысы болорун билдирди.
«Бул акыркы Дүйнө чемпионатым болот. Мен мурункудай оюнчу эмесмин, бирок баары анчалык деле жаман эмес»,- деген Роналду маалымат жыйынында.
Буга чейин футболчунун эжеси Катя Авейру да Роналду 2026-жылдагы Дүйнө чемпионатынан кийин Португалиянын улуттук курама командасындагы карьерасын жыйынтыктай турганын билдирген.
41 жаштагы Роналду-Европа чемпиону, Чемпиондор лигасынын беш жолку жана Улуттар лигасынын эки жолку жеңүүчүсү. Ал ошондой эле улуттук курама, Европа чемпионаты жана Чемпиондор лигасынын тарыхындагы эң мыкты бомбардирлердин бири болуп эсептелет. Учурда ал Сауд Арабиясынын «Аль-Наср» клубунда ойнойт.
