Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын инспекторлору Чолпон-Ата шаарында жана Бостери айылында атмосфералык абаны коргоо боюнча рейд өткөрүп, 14 теплоходду текшеришти.
Текшерүүнүн жүрүшүндө атмосфералык абаны коргоо боюнча мыйзам талаптарын бузуу фактылары аныкталып, төрт жеке тарапка Укук бузуулар жөнүндө кодекске ылайык административдик протокол түзүлдү.
Мыйзам бузууга жол берген ар бир жаранга 7 миң 500 сомдон айып пул салынып, жалпы айып пулдун суммасы 30 миң сомду түздү.
Экологиялык жана техникалык көзөмөл кызматы мындай рейддик иш-чаралар мындан ары да үзгүлтүксүз жүргүзүлөрүн белгилеп, экологиялык мыйзамдардын талаптарынын сакталышы көзөмөлдөнө берерин билдирди.
