Тажик тарап жардыруучу заттарды колдонуп, 11 жаран жабыркады. Бул тууралуу аймактык кабарчы маалымдады.
Маалыматка ылайык, тажик тарап автоматтар менен ок чыгарып, жарылуучу заттарды колдонууда.
Азыр буга чейин биз Көк-Таш айылынын ичинде турчубуз, азыр бизди сыртка чыгарып жатышат, себеби алар граната, автомат бүт бардык куралдарды колдоно башташты. Көк-Таштан жети жаран жарадар, Головнойдон 4 адам жарадар. Азыр бул айылда жарык жок, тажик тарап трансформаторго ок атып жардырышкан. Азыр бул жердеги жарандардын айтымына караганда: “ Көк-Таштын Баткенди көздөп чыккан жолдун Миң-Булак айылына тажиктер келип ушул жолдон өткөн унааларга ок чыгарып жатат. Учурда унаа жолдору жабылууда», — дейт ал.
