Мамлекет башчысынын учагы бүгүн, 8-октябрда Түркмөнбашы шаарындагы эл аралык аэропортко конду.
Президентти траптан Түркмөнстандын тышкы иштер министри Рашид Мередов тосуп алды.
Аэропортто Борбордук Азия мамлекеттеринин жана Азербайжандын жана КМШ мамлекет башчыларынын консультативдик жолугушуусуна катышуучу өлкөлөрдүн желектери илинип, килем төшөлүп, ардак кароол ротасы тизилген.
Иш сапардын алкагында Садыр Жапаров БА мамлекеттеринин жана Азербайжандын мамлекет башчыларынын консультативдик жолугушуусуна жана КМШ мамлекеттер башчыларынын Кеңешинин жыйынына катышат, ошондой эле эки тараптуу жолугушууларды өткөрөт.
