Венгриялык модель Барбара Палвин 2026-жылдын 18-октябрында Лос-Анжелесте өткөн Victoria’s Secret мода көргөзмөсүнө катышты. Ал биринчи баласын төрөгөндөн болжол менен алты жума өткөндөн кийин подиумга кайтып келгени үчүн дүйнөлүк медианын жана социалдык тармактардын көңүлүн бурду.
Барбара Палвин ким жана кайда төрөлгөн?
Аты-жөнү: Барбара Палвин (Barbara Palvin Sprouse)
Туулган күнү: 1993-жылдын 8-октябры
Туулган жери: Будапешт, Венгрия
Кесиби: модель жана актриса
Жолдошу: америкалык актёр Дилан Спроус (Dylan Sprouse)
Баласы: кызы Сильви, 2026-жылдын сентябрында төрөлгөн.
Барбара модель катары карьерасын 13 жашында баштаган. Аны Будапешттин көчөлөрүнүн биринде апасы менен бара жатканда модель издеген адис байкап калган. 2010-жылы Миланда өткөн мода жумалыгында Prada брендинин көрсөтүүсүнө катышып, эл аралык подиумга чыккан.
2012-жылы ал алгачкы жолу Victoria’s Secret мода көргөзмөсүнө катышкан. 2019-жылы бренддин расмий «периштелеринин» бири болгон. Ал ошондой эле Armani Beauty жана Longines сыяктуу бренддер менен кызматташкан.
2026-жылдын 18-октябрында Лос-Анжелесте өткөн көрсөтүүдө модель кызгылт түстөгү жеңил көйнөк жана ич кийим менен, кийин ак түстөгү кооздолгон корсет жана чоң канаттар менен подиумга чыкты. Анын жолдошу Дилан Спроус залда отуруп, жубайын сүрөткө тартып, колдоп турду.
Барбаранын кызы Сильви 7-сентябрда төрөлгөн. Демек, көрсөтүү учурунда төрөгөнүнө болжол менен алты жума болгон.
Модель журналисттерге өзүн жакшы сезип жатканын, бирок дагы эле калыбына келүү процессинде экенин айткан. Ошондой эле үй-бүлөсү менен досторунун жардамы чоң болгонун белгилеген. Анын айтымында, ар бир аялдын төрөттөн кийинки калыбына келүү жолу ар башка.
Айрым интернет колдонуучулар моделдин төрөттөн кийин кайра жумушка кайтып, подиумда ишенимдүү басканын макташты. Алар анын аракетин жана эмгегин жогору баалашкан.
