Ички иштер министрлигинде министр Улан Ниязбековдун төрагалыгы алдында 2026-жылдын тогуз айындагы ыкчам-кызматтык ишмердүүлүктүн жыйынтыгы чыгарылды.
Жыйында калкка сапаттуу кызмат көрсөтүү, санариптештирүүнү өнүктүрүү, үй-бүлөлүк зомбулукка жана жашы жете электер арасындагы кылмыштуулукка каршы күрөшүү маселелери талкууланды.
Мындан тышкары, интернет-алдамчылыктын алдын алуу, баңгизаттардын мыйзамсыз жүгүртүлүшүнө каршы күрөшүү жана кызматкерлер арасында тартипти бекемдөө багыттарына көңүл бурулду.
Жыйындын соңунда министр Улан Ниязбеков тиешелүү жетекчилерге иштин натыйжалуулугун жогорулатуу боюнча бир катар тапшырмаларды берди.
