Улан Батор шаарында Кыргызстандын Монголиядагы элчиси Айбек Молдогазиев Монголиянын өнөр жай жана минералдык ресурстар министри Гонгорын Дамдинням менен жолугушту.
ТИМдин маалыматына караганда, тараптар геологиялык чалгындоо, минералдык ресурстарды изилдөө, геологиялык маалыматтарды санариптештирүү жана чийки затты кайра иштетүү маселелерин талкуулашты.
Ошондой эле “Кыргызалтын” ААК менен Монголия Банкынын ортосундагы алтынды аффинаждоо боюнча кызматташуу тажрыйбасын белгиледи. Тараптар бул багыттагы иштерди улантуу мүмкүнчүлүктөрүн талкуулашты.



