Кыргызстандын күч түзүмдөрүнүн ведомстволор аралык тергөө тобу «Elite House» курулуш компаниясынын башкы директору Тимур Файзиевге каршы кылмыш ишин козгоду. Бул тууралуу Биринчи май райондук соту билдирди.

Маалыматка ылайык, бүгүн, 27-майда Бишкек шаарынын Биринчи май райондук сотунда Тимур Файзиевге карата анын жүргөн жери белгисиз болгондуктан сыртынан баш коргоо чарасы тандалып алынган.

Алдын ала маалыматтарга ылайык, Файзиевге Кылмыш-жаза кодексинин 319-беренесинин 1-бөлүмүнө (Коррупция) ылайык каралууда.

319-берене. Коррупция

1. Коррупция — материалдык, кандай гана болбосун башка дөөлөттөрдү жана артыкчылыктарды мыйзамсыз алуу, ошондой эле коомдун жана мамлекеттин кызыкчылыгына коркунуч келтирүүчү жеке адамдарга жана юридикалык жактарга бул дөөлөттөрдү жана артыкчылыктарды берүү максатында бир же бир нече кызмат адамдарынын бийлик ыйгарым укугуна ээ болгон айрым адамдар же топтор менен туруктуу укукка каршы байланыш түзүүдөн турган атайлаган жосундары, —

V категориядагы эркиндигинен ажыратууга жазаланат.