Президент Садыр Жапаров бүгүн, 27-июнда, Түркмөнстанга расмий иш сапарын өлкөнүн туңгуч Президенти Сапармурат Ниязовдун күмбөзүнө жана мечитине зыярат кылуудан баштады.
Күмбөз менен мечит Ашхабад шаарына жакын жерде, Сапармурат Ниязов туулган Кыпчак айылында жайгашкан.
Жапаров Ардактуу кароол ротасынын коштоосунда Түркмөнстандын Эгемендүүлүк монументине гүлчамбар коюп, бул жердеги Ардактуу меймандар аллеясына бак отургузду.
Аллея Түркмөнстандын жүргүзүп жаткан тынчтык, достук жана ынак коңшулук саясатын символдоштурат.
