Чүйдө жаш бала чөпкө өрт коюп, 750 түк чөп толугу менен күйүп кетти. Бул тууралуу ӨКМнин басма сөз кызматы билдирди.
Маалыматка ылайык, өрт кырсыгы кечээ, 22-июль күнү Чүй районунун Мээнеткеч айылында катталган. Ошондой эле чөп бастырмада жыйылып турган жана аянты 60 чарчы метр түзгөн.
«Жерине №24 Өрткө каршы куткаруу бөлүгүнөн 1 бөлүмү саат 15:04тө жетип, 15:40да чектөөгө алынып, саат 20:10до толук өчүрүлдү. Өрттүн себеби: жаш баланын өрткө болгон шоктугунан келип чыккан», — деп берилет маалыматта.
