Бүгүн, 27-июлда Ак-Буура дарыясынын башында эс алып жүргөн үй-бүлө мүчөлөрү сууга агып, эки аял каза болду. Бул тууралуу окуянын күбөлөрү кабарлап, Ош ОИИБдин басма сөз кызматы тастыктады.
Маалыматка ылайык, 2006- жылы туулган кыз сууга агып, аны куткарууга апасы 1983-жылы туулган А.М менен анын сиңдиси — 1985-жылы туулган М.М. сууга секирип, агып кеткен. Ал эми биринчи аккан 15 жаштагы кыз ташка кыпчылып калып, аман калган. Аны куткаруучулар куткарууга жетишкендигин ӨКМден билдиришти.
Эже-сиңди эки аялдын жансыз денесин Ош ОИИБдин кайгуул-күзөт кызматынын туристтик взводунун кызматкерлери алып чыгышкан.
Кырсыкка жеринде күбө болгон журналист Актилек Гүлжигит кызы, суу боюнда сууга түшүүгө мүмкүн эмес деген эскертүүлөр бар экендигин белгилеп өткөн.
Сүрөт, Гүлжигит кызынын жеке баракчасынан.
