2021-жылдын күз-кыш мезгилине карата Россияда автоунааларга болгон баа 3%га чейин көтөрулүшү күтүлүүдө. Бул тууралуу «РИА новости» авто дилерлерге таянып жазып чыкты.
«АвтоСпецЦентр» мекемесинин директору Андрей Терлюкевич, «4 кварталга карата унаалардын баасынын өсүүсү уланат. Унаанын үлгүсүнө, брендине карай 3%га чейин жетиши мүмкүн»- дейт.
Ошону менен бирге авто базардагы унаалардын тартыштыгынан баанын өсүүсү тездеп жатканын айткан.
Ал эми «Авилон» жаңы машиналардын баасы орто эсеп менен эки -төрт пайызга кымбаттайт деп эсептейт. Мунун себеби инфляция, валютанын олку-солку болушу жана брендге жараша.
«Колдонулган унаалардын баасы орто эсеп менен канчага көтөрүлөрүн алдын-ала айтуу оңой эмес, бирок 2021-жылдын экинчи жарымында импорттоочулар базарды жаңы унаалар менен басып калса, айрым моделдердин өсүшү басаңдашы мүмкүн деп божомолдоого болот». — деди компаниянын маркетинг боюнча директору Андрей Каменский.
Бирок «Avtodom» дилеринин айтымында, азыраак иштеп, колдон алынган унаалардын баасында олуттуу өзгөрүү болот, анткени рынокто тартыштык бар.
