Салык кызматы жарандарга 1-сентябрга чейин унаа салыгын жана 2-сентябрга чейин турак жай менен жер салыгын төлөө керектигин эскертет. Мындай билдирүүсүн раймий сайтында жарыялады.
Салыкты банк, почта бөлүмдөрү, төлөм терминалдары, мобилдик жана интернет банкинг аркылуу төлөөгө болот.
Салык кызматы салыкты төлөөгө дагы эки жума калганын белгилеп, аны акыркы учурга калтырбоого чакырат. Анткени убагында төлөнбөгөн салык үчүн жарандарга 1 миң сом, юридикалык жактарга 5 миң сом айып салынат.
Толук маалыматты 116 номери, www.sti.gov.kg сайты аркылуу жана жергиликтүү салык органдарынан алууга болот.
