Өлкөдө VI Дүйнө элдеринин эпосторунун Эл аралык фестивалынын алкагында “Мыкты боз үй” сынагы өткөрүлөт. Бул тууралуу Маданият, маалымат, спорт жана жаштар саясаты министрлигинин маалымат кызматы билдирди.

Маалыматка ылайык, кароо-сынак 22-сентябрдан тартып 25-сентябрына чейин Токтогул Сатылганов атындагы улуттук филормониянын алдында өткөрүлөт.
Сынактын негизги максаты- боз үй жасаган чеберлердин жаш муун үчүн салттуу өнөрчүлүк мектебин калыптандыруу, өнүктүрүү жана сактоо. Кол өнөрчүлүгүнүн казынасын байытуу, элдин күнүмдүк турмушунда унутта калып бара жаткан өнөрчүлүк технологиясын кайра жандандыруу.

Сынакка катышуунун шарттары:
— Калктын бардык катмарынын өкүлдөрү катыша алат жана чеберлердин жаш курагы, улуту чектелбейт;
— Буга чейин эпос фестивалына катышкан боз үйлор катыша албайт;
— Сынактын женичүүчлөрү калыстар тобу тарабынан аныкталат;
— Катышууну каалагандар уюштуруу тобуна билдирмени 20-сентябрга чейин , Бишкек шаары, Пушкин көчөсү №78 (3-кабинет) дарегине тапшыруу зарыл;
— Сынакка кабыл алынган боз үйлөр22-сентябрда Токтогул Сатылганов атындагы Кыргыз улуттук филорминиянын алдына орнотулат.
— Жеңичүүлөр Маданият министрлигинин диплом, грамоталары менен жана акчалай түрүндө сыйланат.