Бүгүн, 9-октябрда Жети-Өгүздө улуттук баатыр Бирназар бийдин эстелиги ачылып, президент Жапаров ачылышына катышты. Бул тууралуу президенттин басма сөз кызматы билдирди.
Маалыматка ылайык, Бирназар бийдин 300 жылдыгына арналган иш-чара Ысык- Көл облусунун Жети-Өгүз районунда болду. Мамлекет башчысы Бирназар бийдин эстелигине гүл коюп, куран окулду.
Эскерте кетсек, Бирназар бий башкаруучу, дипломат жана чет элдик баскынчыларга каршы күрөштө кыргыз элинин лидерлеринин бири катары тарыхта чоң из калтырган.
