Бүгүн, “Ак калпак күнүнө карата «Ак калпак жана улуттук кийимдердин» күнү белгиленет. Бул тууралуу Маданият, маалымат, спорт жана жаштар саясаты министилиги билдирет.
Билдирүүгө ылайык, иш-чара Бишкек шаарындагы “Ынтьмак-2” сейил багында өтөт. Анда жөө жүрүш, флешмоб (калпак бий), “Кыргыздардын салттуу кийими” үй-бүлөөлүк кийим топтомунун көргөзмөсү жана элечек ороо, калпак жасоо, сайма саюу боюнча мастер класстар өтүп, концерттик программа менен коштолот.
Белгилей кетсек, иш-чара саат 10:30да улуттук кийимдерди кийген жарандардын жүрүшү менен башталат.
