Түркмөнстандын учурдагы президенти Гурбангулы Бердымухамедовдун уулу Сердар Бердымухамедов мөөнөтүнөн мурда өткөн президенттик шайлоодо жеңип чыкканын республиканын БШКсы билдирди.
Маалыматка караганда, Бердымухамедовго 72,97 пайыз шайлоочу добуш берген. «72,97 пайыз добуш алган Түркмөнстандын Министрлер кабинетинин төрагасынын орун басары Сердар Гурбангулевич Бердымухамедов Түркмөнстандын шайланган президенти болуп таанылды», — деп айтылат билдирүүдө.
Түркмөнстанда президенттик шайлоо 12-мартта өткөн. Расмий маалыматтар боюнча шайлоого 3 миллион 362 миң 52 адам катышкан.
