Жалал-Абадда Абабакирова Нодирабегим 23-марттан бери дайынсыз болуп жатат. Бул тууралуу Жалал-Абад ОИИБден билдиришти.
Сузак районунун Ырыс айыл аймагынын Күмүш-Азиз айылынын тургуну 1994-жылы туулган Абабакирова Нодирабегим Абабакировна 23-март күнү таңкы саат 05:00 чамасында “мени издебегиле, мени кечиргиле” деген мааниде кат жазып, үйүнөн эч кимге айтпастан чыгып кеткен бойдон дайынсыз болууда.
Учурда Абабакирова Нодирабегимдин жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.
Белгилери: Бою 175-180 см, өңү ак жүздүү, чачы кара узун, кашы, көзү кара.
Кийген кийимдери: Башында жашыл түстөгү жоолук, үстүндө кызыл түстөгү узун көйнөк, сары түстөгү кемзир, бутунда кара түстөгү тапочка болгон.
Дайынсыз болуп жаткан Абабакирова Нодирабегим Абабакировна тууралуу кандайдыр бир маалымат болсо, (03748) 5 02 09, 0556 84 84 58 номурларына чалсаңыздар болот.
