Курал-жарак жана ок-дарылар сакталган жай табылды. Бул тууралуу УКМКдан билдиришти.
4-апрелде ыкчам маалыматты ишке ашыруунун жүрүшүндө УКМК тарабынан Мамлекеттик чек аранын Чүй чек ара отрядынын аскер кызматкерлери менен биргеликте Чүй облусунун аймагындагы курал-жарак жана ок-дарылар сакталган жашыруун жай табылды. Жашыруун жайдан мергенчилик мылтыгы, травматикалык тапанча, үн чыгаруучу граната, автомат жана тапанча үчүн 7,62 калибрдеги ок-дары, 16 калибирлүү мергенчилик гильзалары, ок жана казакстандык Beeline операторунун 2 сим-картасы табылып алынды.
Алдын ала маалыматтар боюнча, табылган курал-жарак жана ок-дарылар кылмыштуу элементтер тарабынан кылмыш жасоо үчүн даярдалгандыгы аныкталды. Учурда курал-жарактын келип чыгышы жана жашыруун жайларды уюштурган адамдар такталууда.
