Май айындагы эс алуу күндөр такталды. Бул тууралуу Министрлер кабинетинин басма сөз кызматы билдирди.
Маалыматка ылайык, беш күндүк жума графиги боюнча иштеген, мамлекеттик бюджеттен каржыланган мамлекеттик жана муниципалдык уюмдардын, мекемелердин жана ишканалардын кызматкерлери 1-майынан тарта 9-майга чейин эс алат.
- Ал эми 30-апрелиндеги дем алыш күнү (ишемби) – 4-майындагы (шаршемби) иш күнүнө;
- 14-майындагы дем алыш күнү (ишемби) – 2022-жылдын 6-майындагы (жума) иш күнүнө которулган.
«Буга катар кызматкерлердин дем алыш жана жумуш эмес майрам күндөрүн рационалдуу пайдалануу максатында беш күндүк иш жума графиги боюнча иштеген жеке менчик түрүндөгү юридикалык жактардын жетекчилерине май айындагы эс алуу күндөрүн Министрлер кабинети кабыл алган чечимге ылайык которуу сунушталды»,- деп айтылат маалыматта.
