Ош облусунун Өзгөн районунда 45 жаштагы аялды сүзүп, качып кеткен айдоочу кармалды. Бул тууралуу Ош облустук жол кыймылынын коопсуздугун камсыздоо бөлүмүнүн басма сөз кызматы билдирди.
Маалыматка ылайык, 20- апрелден 21- апрелге караган күнү түнкү саат 02:25 чамасында, Өзгөн районунун Мырза- Аке айылында айдоочу Кара-Кулжа районунун 1977- жылы туулган тургуну (аял киши) А.Жны сүзүп, окуя болгон жерден белгисиз тарапка качып кеткен.
Жабырлануучу денесинен жаракат алып, Өзгөн райондук ооруканасына жеткирилген.
Аталган жол кырсыгы РИИБдин Кылмыштардын бирдиктүү реестрине катталып, издөө иштеринин натыйжасында, 23-апрелде кылмышка шектелип Кара-Кулжа районунун 1962-жылы туулган Ж.А. аттуу тургуну кармалган.
Учурда териштирүү иштери жүргүзүлүүдө.
