Бишкек шаарындагы ыйман мечити 160 муктаж үй-бүлөгө Рамазан баштыкчасын таратты. Бул тууралуу муфтияттын басма сөз кызматы билдирди.
Маалыматка ылайык, саамалык Кыргызстан мусулмандарынын Азирети Муфтийи Замир кары Ракиевдин буйругун ишке ашыруу максатында уюштурулган.
«Рамазан – кайрымдуулуктун, берешендүүлүктүн айы эмес. Ыйман мечити дайыма өнөктөштөрү менен биргеликте кайрымдуулуктарды уюштуруп, элдин социалдык абалын жакшыртууга далалат кылып келет. Албетте, бул чек эмес. Ыйык айда Рамазан баштыкчасын уюштуруп, 160 муктаж үй-бүлөгө азык-түлүк тараттык. Муну менен катар 60 миң сом зекет таратылды»,-деди Ыйман мечитинин имамы Ниматулла ажы Рыскулов.
