Токмокто алдоо жолу менен пенсионердин 3 миң долларлык алтынын ээлеп алган аял кармалды. Бул тууралуу Чүй ОИИбнын басма сөз кызматы билдирет.
Маалыматка караганда, март айында Токмок шаардык милициясына 73 жаштагы М.А. аттуу пенсионер аял кайрылып, цыган улутундагы белгисиз аял 3 миң 300 долларлык алтын буюмдарын алдоо жолу менен ээлеп алганын билдирген.
Жүргүзүлгөн ыкчам-издөө иш-чараларынын негизинде кылмышка шектелип И.Р. аттуу аял кармалып, Токмок ШИИБнын убактылуу кармоочу жайына киргизилген.
