Панфилов районунда тоноочулукка шектүү кармалды. Бул тууралуу Чүй ОИИБнын басма сөз кызматы билдирди.
Маалыматка ылайык, 24-апрель күнү Панфилов РИИБүнө 1961-жылы туулган жергиликтүү тургуну С.А., аттуу жаран кайрылып, анда белгисиз адамдар тарабынан, ага карата күч колдонуп уюлдук телефонун жана акча каражаттарын тартып кеткендигин билдирген.
Бул факты Панфилов РИИБү тарабынан Кылмыштардын бирдиктүү реестрине Кылмыш-жаза кодексинин 206-беренеси (Тоноо) боюнча катталып, сотко чейинки өндүрүш иштери башталган.
Жүргүзүлгөн ыкчам издөө иштеринин натыйжасында жогорудагы кылмышка шектелип, 1979-жылы туулган И.А. аттуу жаран кармалган.
Шектүү убактылуу кармоочу жайга камакка алынып, учурда териштирүү иштери улантылууда.
