Бүгүн, 11-майдагы Жогорку Кеңештин жыйынында депутат Нуржигит Кадырбеков «Белес» автобусу тууралуу маселе козгоп, Бишкек шаарынын мэрине карата пикирин билдирди.
«Мамлекет башчыбыз «Белес» автобусу чыкканда барып, 10 автобус алабыз, андан соң заказ беришибиз мүмкүн деген. Президенттин сөзү шамалдын ышкырыгы эмес. Арадан бир топ өткөндөн кийин мэр айтып жатат «биз карап көрдүк, албайбыз» деп. Мамлекет жардам бербесе өндүрүш кантип өсөт. Мэр экөөбүзгө бүт кыргызстандын темир усталарын бириктирип берсе да, бир араба жасай албайбыз. Барып көрбөй туруп сындап жатат. Маселе ошондо»,- деди Кадырбеков.
